|
|
|
गजल ? सुन्दर भट्ट
भोट माग्न आ'का थिए, डोको देखाइ दिएँ दुई दिनदेखि न'खाको पेट, भोको देखाइ दिएँ
तिम्रो घरमा अन्नपानी पठाइदिन्छौ भन्दै थिए मागी ल्याको मकै पिठो पोको देखाइ दिएँ
गाउँ-गाउँमा स्वास्थ्य चौकी बनाइ दिन्छौँ भने अनि जीउ भरि घाउ-खटिरा फोको देखाइ दिएँ
तिम्रो गाउँ स्वर्गजस्तै बनाइदिन्छौ भने तिन्ले खान नपाई बालबच्चा रो'को देखाइ दिएँ
नबुझिने अरू पनि धेरै थरी कुरा गर्थे घाँस काट्न हिँडेको म, बोको देखाइ दिएँ।
³³³ |
 |
दिङ्ला भोजपुर स्थायी घर हुने श्री सुन्दर भट्ट हाल बेलबारी – ४ मोरङमा बसोबास गर्नुहुन्छ र सुकुना साहित्यिक विद्यार्थी समाजसँग आबद्ध हुनुहुन्छ। |
