|
|
|
समानान्तर उज्यालो ? गीता थपलिया त्रिपाठी
नडराऊ रातपरे पनि बिहानको आशा रित्तिएको छैन
तिम्रो अँध्यारोलाई बचाउँदा बचाउँदा मेरै अनुहारमा ठोक्किएर कैयन उज्याला युगहरू फर्किए देखेका छौ ? यो अनुहारभरि तिनै युगको पीडा छ
समानान्तर उज्यालो बोकेका ती युगहरू कहिल्यै बन्द नहुने खापा रहेछन्
तिम्रो चोर झ्यालबाट अलिकति चियाएर हेर त ! त्यो उज्यालो अहिले तिम्रै ढोका ढकढक्याइरहेछ।।
³³³
|
 |
काभ्रेपलाञ्चोक जिल्ला, बरबन्दी खरेलथोक – १ मा जन्मनु भएकी श्रीमती गीता थपलिया त्रिपाठीका चार सिर्जनाहरू छन्- १. थुँगाःवनफूलका(गीतसङ्ग्रह) २. एक्लै...एक्लै (गीति एल्बम) ३. सारांश (गीतिएल्बम) ४. दुई हरफ ओठहरू (गीतसङ्ग्रह)। उहाँका विभिन्न राष्ट्रियस्तरका पत्रपत्रिकाहरूमा प्रशस्त फुटकर रचनाहरू प्रकाशित भएका छन्। उहाँ पद्मकन्या स्वर्ण पदक सहित विभिन्न सात पुरस्कार र सम्मानहरूले सम्मानित हुनुहुन्छ। सम्पर्कः easywear@wlink.com.np |
